انا مش ضد المظاهرات الفئويه و لا ضد ان اي واحد في الدنيا يطلب حقه .. ولا ضد المدرسين انهم يطلبو بحقهم .. انا مش اكتر من مخنوقه من بعض المدرسين اللي موجودين و نازلين يطلبو بحقهم مع انهم نفسهم محتاجين مظاهرات ضدهممم و قبل ما يطلبوا بحقوقهم المفروض يشفوا حقوق غيرهم .. للاسف احنا في مصر بنلف جوا دايره مقفوله بتوصل لبعض التعليم بايظ علشان المناهج و المدرسين مش عارفين حاجه علشان ما أخدوش تعليم كويس و كلها دايره بتلف في بعض .. علي العموم انا مش ححاول اخرج علي الموضوع مع ان كل المواضيع داخله في بعض كلها متشبكه جوا بعضها بصراحه مش عارفه ذي ايه .. المهم الساده الافاضل المدرسين و اللي مفروض انهم معتصمين و انا مش بقصدهم كلهم انا عارفه فيه مدرسين كتير شرفاء في مصر و عندهم مبادىء و كتير منهم عاش و بيعش ظروف صعبه بمرتبات كتير قليله انا بحترم المدرس داااا و مع اعتصامه و مع مطالبه لانه يستحق يعيش ظروف احسن و لانه فعلا بيعلم اجيال الزاي حيعلم اطفال او شباب و هو في ظروف صعبه و مش مرتاح و حتي المكان اللي بيشتغل فيه مش بعيد لو الارض اتهزت بزلزال 1 ريختر تقع فوق راسه و صدره يجيله ربو و امراض مجهوله بسبب الطابشير الردىء اللي كمان بيئذي الجلد و يا حرام بعض الطلبه في المدارس الحكوميه قالوا ليا اوقات الطابشير مش بيكتب علي البورد من ردائتها الزاي مدرس يشتغل في الظروف دي .. في كتير من مدارس مصر مش صالحه للاستخدام الادمي .. و مع كدا فيها موظفين و مدرسين و طلاب و تلاميذ .. المهم نرجع للاعتصام انا مش قادرا افهم الزاي مدرس محترم واقف مع مدرسين محترمين ذي دول و هو بيطلع موبيله و يحدد ميعاد الدرس الخصوصي اللي المفروض انه يروحه بعد الاعتصام علي اساس ان الاعتصام دا شغل يخلصه يروح للي اهو هو بيطالب هنا بزياده و بردوا يكمل الدروس هو مش بيفكر اهل الطلاب دي بتجيب فلوسها منين و هو كمان ظروفهم الزاي مفكرش في دا جاي يطالب بحقه الزاي و هومن الاول مش مراعي ضميره واحد حيقول ما ظروفه اجبرته علي كدا !! ايوا ظروفه اجبرته علي كدا بس بعد 25 يناير مفيش ظروف حد تجبره ان يكمل او يسكت علي غلط الزاي واقف بيطالب بحق و هو سارق حق المعتصم دا مش بيشتغل معتصم بيطالب بحقه مش بيخلص الوقفه و يجري علي الدرس و يجي يتكلم في مرتب .. انا اللي بعرفه لما واحد عادي بيزعل مع اهله و يعتصملهم و يقول و الله مش حاكل و مش ياكل يومين او حتي يوم و هو هما بيصالحوه و مش بينزل و مش بيعمل اي حاجه .. لكن المدرس اللي واقف دا و بيظبط درس مش لاقيه كلام اقوله عليه و ليه راضي ياخد مرتب الحكومه و هو مش عاجبه المفروض دا اعتصام و انه رافض المرتب دا ليه بياخدو المفروض بقي يرفضه لحد ما يزيد ما هو عنده دخل تاني .. ياريت المدرسين اللي من النوع دا مش ينزلوا يعتصموا مع المدرسين التانين قبل ما يغيروا من نفسهم و من طريقتههم و من حياتهم علي الاقل علشان الطالب يحس ان في ثوره و ان الناس بداءت تتغير علشان انا شيفاه اكتر الناس ذي ما هي محتاجه قنبله تنزل فوق راسها علشان تعرف ان في ثوره .. ارجوكم يا حضرت المدرسين المحترمين االلي بتدوا دروس و بتظبطوا مواعيد و انتم في اي وقفه ليكم حسوا ان في ثوره و رجعو نفسكم و بعد كدا اطلبو حقوقكمممم و بسئلكم سؤال بعد مطالبكم ما تتحقق حتفضلو تدوا بردوا دروس خصوصيه بأي حجه ؟؟ و لا حتقولو لا مصر بتتغير و كفايه !!! لو محستوش ان في ثوره للاسف في نص جيل جاي ممكن بسسببكم ما يحسش بيها !!!
No comments:
Post a Comment